Shri-Lankadagi qamoqxonada g‘alayon: 25 kishi halok bo‘ldi
Tartibsizliklar oqibatida qariyb 100 kishi turli darajada jarohat olgan.
Shri-Lankaning Negombo shahridagi qamoqxonada yuz bergan tartibsizliklar oqibatida kamida 25 kishi halok bo‘ldi, qariyb 100 kishi turli darajada jarohat oldi.
Rasmiy ma’lumotlarga ko‘ra, g‘alayon avval bir kun oldin boshlanib, dastlab ikki nafar mahbus halok bo‘lgan. Ertasi kuni ertalab vaziyat yana keskinlashib, yuz bergan yangi to‘qnashuvlar oqibatida yana 23 kishi hayotdan ko‘z yumgan.
Qayd etilishicha, qurbonlar orasida 5 nafar qamoqxona qo‘riqchisi va 20 nafar mahbus bor. Hodisa oqibatida 100 ga yaqin kishi jarohat olgan.
Voqeadan so‘ng hududda xavfsizlik choralari kuchaytirilib, qo‘shimcha politsiya kuchlari jalb etilgan. Hozirda hodisa yuzasidan tergov harakatlari olib borilmoqda.
