Tehrondagi bosh masjidga qasos ramzi bo‘lgan qizil bayroq ko‘tarildi
Qizil bayroq Eronda tarixan qasos olinmagan qon ramzi sifatida talqin qilinadi.
Eron poytaxti Tehrondagi Imom Xomeyniy Mosalloh diniy majmuasi gumbazi ustiga qasos ramzi sifatida talqin qilinadigan qizil bayroq ko‘tarildi. Bu haqda TASS agentligi muxbiri xabar berdi.
Mazkur majmuada so‘nggi uch kun davomida Eronning marhum Oliy rahbari Ali Xomanaiy bilan vidolashuv marosimlari o‘tkazildi. Rasmiy ma’lumotlarga ko‘ra, marosimda uning tobuti oldiga hurmat bajo keltirish uchun bir necha million kishi tashrif buyurgan.
Vidolashuv tadbirlari Tehronning turli hududlarida ham davom etdi. Minglab fuqarolar qo‘llarida davlat bayroqlari va marhum rahbar portretlari bilan ko‘chalarga chiqib, mamlakat rahbariyatini qo‘llab-quvvatlashlarini bildirdi.
Rasmiylar yaqin kunlarda Ali Xomanaiyning jasadi shahar bo‘ylab olib o‘tiladigan ommaviy dafn marosimi o‘tkazilishini ma’lum qilgan. Unga 15–20 million kishi tashrif buyurishi kutilmoqda.
Qizil bayroq Eron shia an’analarida tarixan qasos olinmagan qon ramzi sifatida talqin qilinadi. Biroq uning ko‘tarilishi har doim ham muayyan harbiy harakat boshlanishini anglatmaydi; u ramziy va diniy ma’noga ham ega.
