Toshkentda ikki fuqaro qurol va o‘q-dorilarni o‘z ixtiyori bilan topshirdi
Fuqarolar marhum otasi va turmush o‘rtog‘idan qolgan qurol-yarog‘larni huquqni muhofaza qiluvchi organlarga topshirgan.
DXX ma’lum qilishicha, Toshkent shahrining Yakkasaroy tumanida yashovchi 1981-yilda tug‘ilgan fuqaro marhum otasi alohida yashagan xonadonda saqlanayotgan qurol-yarog‘larni huquqni muhofaza qiluvchi organlarga o‘z ixtiyori bilan topshirgan.
Natijada 1 dona vintovka, 19 dona o‘qotar ov quroli, 13 dona qurol stvoli va kolodkalari, 117 dona o‘q-dori, shuningdek, qurollarga oid boshqa ehtiyot qismlar qabul qilib olingan.
Shuningdek, DXX va IIVning Toshkent shahar boshqarmalari hamkorligida o‘tkazilgan yana bir tadbirda Mirobod tumanida yashovchi 1960-yilda tug‘ilgan ayol marhum turmush o‘rtog‘iga tegishli bo‘lgan 2 dona o‘qotar ov quroli hamda 181 dona o‘q-dorini ixtiyoriy ravishda topshirgan.
