Jizzaxlik ota aliment o‘rniga ikki xonali uy berdi
Shu tariqa u kelgusi aliment to‘lovlarini oldindan qoplagan.
Jizzax viloyati Sharof Rashidov tumanida o‘tkazilayotgan aliment tadbirlari davomida yana bir ijobiy natijaga erishildi.
Byuroning Sharof Rashidov tumani bo‘limi davlat ijrochisi tomonidan amalga oshirilgan qatʼiy va samarali ijro choralari natijasida ikki nafar farzandi uchun aliment to‘lashdan qarzdor bo‘lgan ota o‘z majburiyatini bajardi.
Qarzdor farzandlarining taʼminoti uchun yuzaga kelgan qarzdorlik hamda kelgusi aliment to‘lovlarini oldindan qoplash maqsadida umumiy qiymati 500 million so‘mlik Jizzax shahrida joylashgan ikki xonali uyni aliment undiruvchi ona nomiga berdi.
Bu amal nafaqat qarzdorlikning bartaraf etilishi, balki ikki nafar farzandning kelajagi uchun mustahkam ijtimoiy kafolat yaratilganining amaliy ifodasi bo‘ldi.
