Venesueladagi zilzila qurbonlari soni 3685 kishiga yetdi
Tabiiy ofat oqibatida 190 ta bino butunlay vayron bo‘lgan, 856 tasi jiddiy shikastlangan.
Venesuelada sodir bo‘lgan kuchli zilzila oqibatida halok bo‘lganlar soni 3685 kishiga yetdi. Bu haqda mamlakat Milliy Assambleyasi prezidenti Xorxe Rodriges ma’lum qildi.
Hukumatning navbatdagi rasmiy hisobotiga ko‘ra, tabiiy ofat oqibatida 16 740 kishi jarohatlangan, 17 907 nafar fuqaro boshpanasiz qolgan. Shuningdek, 190 ta bino to‘liq vayron bo‘lgan, yana 856 ta bino jiddiy zarar ko‘rgan.
Ma’lum qilinishicha, qidiruv-qutqaruv ishlari davomida 6462 nafar fuqaro qutqarilgan, 25 970 kishi tibbiy muassasalarda davolangan. Jabrlangan aholiga yordam ko‘rsatish doirasida 86 794 oilaga ko‘mak yetkazilgan, shuningdek, 9603 tonna oziq-ovqat mahsuloti tarqatilgan.
Eslatib o‘tamiz, 24-iyun kuni Venesuelada qariyb 40 soniya oralig‘ida magnitudasi 7,2 va 7,5 bo‘lgan ikkita kuchli zilzila sodir bo‘lgan edi. Ularning epitsentri Yarakuy shtati hududida, bir-biridan taxminan 10 kilometr uzoqlikda joylashgan.
