Dilnozaxon Kattaxonova Bosh vazir o‘rinbosari etib tayinlandi
Mazkur lavozimda faoliyat yuritib kelgan Zulayho Mahkamova egallab turgan vazifasidan ozod etildi.
Dilnozaxon Kattaxonova O‘zbekiston Respublikasi Bosh vazirining o‘rinbosari – Oila va xotin-qizlar qo‘mitasi raisi etib tayinlandi.
Bu haqdagi qaror Oliy Majlis Qonunchilik palatasining yalpi majlisida deputatlar tomonidan ma’qullandi deb xabar berdi Zamon.uz manbasi.
Shu munosabat bilan mazkur lavozimda faoliyat yuritib kelgan Zulayho Mahkamova egallab turgan vazifasidan ozod etildi.
Tayinlovga qadar Dilnozaxon Kattaxonova Yoshlar ishlari agentligi direktorining birinchi o‘rinbosari lavozimida faoliyat yuritgan.
Ma’lumot uchun, Dilnozaxon Kattaxonova 1991-yil 2-iyulda Farg‘ona viloyatining Qo‘qon shahrida tug‘ilgan. U 2014-yilda Mirzo Ulug‘bek nomidagi O‘zbekiston Milliy universitetining bakalavriat bosqichini tamomlagan.
Mehnat faoliyati davomida 2016–2017-yillarda O‘zbekiston Xotin-qizlar qo‘mitasining Xalqaro aloqalarni rivojlantirish va nodavlat notijorat tashkilotlarini qo‘llab-quvvatlash bo‘limida bosh mutaxassis lavozimida ishlagan.
