IPhO 2026: O‘zbekiston xalqaro fizika olimpiadasida tarixiy natija qayd etdi
Kolumbiyada o‘tkazilgan nufuzli olimpiadada o‘quvchilar 2 ta kumush, 2 ta bronza medalni qo‘lga kiritdi.
O‘zbekiston terma jamoasi Kolumbiyada bo‘lib o‘tgan 56-Xalqaro fizika olimpiadasida (IPhO–2026) tarixdagi eng yuqori natijani qayd etdi.
Joriy yilning 4–12-iyul kunlari Kolumbiyada o‘tkazilgan nufuzli xalqaro olimpiadada mamlakatimiz sharafini himoya qilgan o‘quvchilar 2 ta kumush, 2 ta bronza medalni qo‘lga kiritdi.
Musobaqada quyidagi natijalar qayd etildi:
-
Asilbek Jumanazarov — “TIQXMMI” Milliy tadqiqot universiteti huzuridagi aniq fanlarga ixtisoslashtirilgan maktab;
-
Muhammad Abdumalikov — Mirzo Ulug‘bek nomidagi ixtisoslashtirilgan maktab;
-
Elbek Uroqov — “TIQXMMI” Milliy tadqiqot universiteti huzuridagi aniq fanlarga ixtisoslashtirilgan maktab;
-
Hasan Kamolov — Qo‘qon shahridagi 1-son ixtisoslashtirilgan maktab;
-
Javohir Aknazarov — Mirzo Ulug‘bek nomidagi ixtisoslashtirilgan maktab (Honorable Mention).
Mazkur natija O‘zbekiston terma jamoasi uchun tarixiy ahamiyatga ega bo‘lib, mamlakatimiz vakillari ilk bor Xalqaro fizika olimpiadasida ikki kumush medalni qo‘lga kiritdi. Bu esa jamoaning IPhOdagi ishtiroki tarixidagi eng yuqori natija bo‘ldi.
Xalqaro fizika olimpiadasi (IPhO) dunyoning eng nufuzli fan musobaqalaridan biri bo‘lib, unda ishtirokchilar murakkab nazariy va eksperimental masalalarni yechish orqali o‘z bilim va salohiyatini namoyish etadi.
