Bugun 7 ta hududda chang-to‘zon kuzatilish mumkin
Shamol tezligi 18 m/s gacha kuchayishi prognoz qilinmoqda.
O‘zgidromet O‘zbekistonning ayrim hududlarida chang-to‘zon kuzatilishi mumkinligi haqida ogohlantirdi.
Ma’lumotga ko‘ra, 14-iyul kuni kunduzi Qoraqalpog‘iston Respublikasi, Xorazm, Buxoro, Navoiy, Qashqadaryo, Samarqand va Jizzax viloyatlarining ayrim hududlarida shamol tezligi 13–18 m/s gacha kuchayishi, ayrim joylarda esa chang-to‘zon kuzatilishi mumkin.
Mutaxassislar fuqarolarga zarurat bo‘lmaganda ochiq havoda uzoq vaqt qolmaslik, kuchli shamol va chang-to‘zon vaqtida ehtiyot choralariga amal qilishni tavsiya etmoqda.
Avvalroq O‘zgidromet 13–17-iyul kunlari O‘zbekiston hududiga janubdan juda issiq havo oqimlari kirib kelishi natijasida havo harorati keskin ko‘tarilishi kutilayotgani haqida ham ogohlantirgan edi.
