Yil boshidan buyon 18 nafar IIO xodimi xizmat vaqtida halok bo‘ldi
78 nafari xodim xizmat vazifasini bajarish jarayonida jarohat olgan.
Ichki ishlar vaziri o‘rinbosari Ramazon Ashropovning ma’lum qilishicha, joriy yil davomida xizmat burchini ado etish vaqtida 18 nafar xodim vafot etgan, 78 nafar xodim esa turli xavfli vaziyatlarni bartaraf etish jarayonida jarohat olgan.
Shuningdek, 2026-yilning dastlabki olti oyida giyohvandlik vositalarining noqonuniy muomalasiga qarshi kurash doirasida 8 653 ta jinoyat ishi qo‘zg‘atilgan.
O‘tkazilgan tezkor tadbirlar natijasida jinoiy guruhlar va shaxslardan 2 tonna 733 kilogramm giyohvandlik vositalari, jumladan 52 kilogrammdan ortiq sintetik moddalar hamda 2 million 651 ming dona kuchli ta’sir qiluvchi dori vositalari musodara qilingan.
