YTH sodir etgan haydovchilar uchun javobgarlik kuchaytiriladi
Qonun loyihasi Oliy Majlis Qonunchilik palatasiga kiritilgan.
O‘zbekistonda yo‘l harakati qoidalarini qasddan buzib, yo‘l-transport hodisasiga sabab bo‘lgan shaxslarga nisbatan javobgarlik kuchaytirilishi rejalashtirilmoqda.
Bu haqda Ichki ishlar vazirligi Jamoat xavfsizligi departamenti Yo‘l harakati xavfsizligi xizmati boshlig‘i o‘rinbosari Erali Bozorov Ichki ishlar organlarining 2026-yil birinchi yarim yillik faoliyati yakunlariga bag‘ishlangan tahliliy hisobotda ma’lum qildi.
Qayd etilishicha, mazkur masalani nazarda tutuvchi qonun loyihasi Oliy Majlis Qonunchilik palatasiga kiritilgan.
Loyihada yo‘l harakati qoidalarini qasddan mensimasdan buzish oqibatida yo‘l-transport hodisasiga sabab bo‘lgan shaxslarga nisbatan yanada qat’iy javobgarlik choralarini qo‘llash taklif etilmoqda.
