Toshkentda fuqaro kredit qarzi sabab mashinasidan ayrildi
U shartnoma bo‘yicha majburiyatini bajarmagan va ZEEKR rusumli avtotransport vositasi auksionga chiqarilgan.
MIBning Toshkent shahar boshqarmasi ish yurituvida Fuqarolik ishlari bo‘yicha Mirobod tumanlararo sudining 2026 yil 23 yanvardagi ijro varaqasiga asosan qarzdor A.X.dan undiruvchi bank foydasiga 103 505 932 so‘m kredit qarzdorligini undirish to‘g‘risidagi ijro hujjati mavjud.
Sud qarori qonuniy kuchga kirgach, qarzdorga qarzdorlikni ixtiyoriy ravishda to‘lash uchun qonunchilikda belgilangan muddat berildi. Biroq u o‘z zimmasiga olgan moliyaviy majburiyatni bajarmagan.
Shundan so‘ng davlat ijrochisi tomonidan majburiy ijro harakatlari amalga oshirilib, kredit taʼminoti sifatida garovga qo‘yilgan qarzdorga tegishli ZEEKR rusumli avtotransport vositasi xatlandi, unga nisbatan taqiq qo‘yildi hamda vaqtincha saqlash uchun bank hududiga joylashtirildi.
Ayni paytda mazkur avtomashinani elektron onlayn-auksion savdolariga chiqarish bo‘yicha tegishli choralar ko‘rilmoqda.
