Toshkentda MIB xodimning 255 mln ish haqini undirib berdi
Qarzdor korxona ixtiyoriy muddatda sud qarori talablarini bajarmagach, unga nisbatan majburiy ijro choralari qo‘llanilgan.
Majburiy ijro byurosining Chilonzor tuman bo‘limi ish yurituvida fuqarolik ishlari bo‘yicha Uchtepa tumanlararo sudining ijro varaqasiga asosan qarzdor masʼuliyati cheklangan jamiyatdan undiruvchi foydasiga 255 170 048 so‘m ish haqini undirish to‘g‘risidagi ijro hujjati mavjud bo‘lgan.
Mazkur ijro hujjati yuzasidan davlat ijrochisi tomonidan O‘zbekiston Respublikasining «Sud hujjatlari va boshqa organlar hujjatlarini ijro etish to‘g‘risida»gi Qonunining 23-moddasiga muvofiq ijro ishi yuritish qo‘zg‘atilib, qarzdor tashkilotga ixtiyoriy muddatda qaror talablarini bajarish yuzasidan ogohlantirish yuborilgan.
Qarzdor tashkilot tomonidan qonun talablari belgilangan muddatda bajarilmaganligi sababli, davlat ijrochilari tomonidan unga nisbatan qonunchilikda nazarda tutilgan barcha majburiy ijro choralari qo‘llanilgan.
Ko‘rilgan choralar natijasida qarzdor tashkilotdan 255 170 048 so‘m miqdoridagi ish haqi to‘liq undirilib, sobiq xodim foydasiga o‘tkazib berildi.
