“Milliy sanoat zanjiri” ko‘rgazmasining ilk kunida qariyb 490 mlrd so‘mlik shartnomalar imzolandi
Samarqandda o'tayotgan transport sohasiga bag‘ishlangan ko'rgazmada 81 ta hamkorlik memorandumi imzolandi.
Samarqand viloyatida transport sohasiga bag‘ishlangan “Milliy sanoat zanjiri” ko‘rgazmasining birinchi kuni yakunlandi.
Ko‘rgazmaning asosiy maqsadi mahalliy ishlab chiqaruvchilarni yirik davlat buyurtmachilari bilan bevosita bog‘lash, sanoat kooperatsiyasini rivojlantirish hamda yangi mahalliylashtirish loyihalarini shakllantirishdan iborat.
Tadbir davomida 2 mingdan ortiq mahsulot va texnologik yechim namoyish etildi. Shuningdek, davlat buyurtmachilari, ishlab chiqaruvchilar hamda investorlar ishtirokida B2B va B2G formatidagi uchrashuvlar hamda amaliy muzokaralar tashkil etildi.
Birinchi kun yakunlariga ko‘ra:
80 dan ortiq korxona ko‘rgazmada ishtirok etdi;
ko‘rgazmaga 1 200 nafardan ortiq tashrif buyuruvchi keldi;
30 ta B2B uchrashuvi o‘tkazildi;
20 ta B2G uchrashuvi tashkil etildi;
davlat xaridlari doirasida 4 778 ta, umumiy qiymati 490 milliard so‘mlik shartnomalar imzolandi;
yangi hamkorliklarni rivojlantirish maqsadida 81 ta hamkorlik memorandumi rasmiylashtirildi.
Ko‘rgazma o‘z ishini davom ettiradi. Ikkinchi kun davomida ham hamkorlik memorandumlari va shartnomalarini imzolash, yangi ishlab chiqarish loyihalari yuzasidan muzokaralar hamda amaliy uchrashuvlar o‘tkazilishi rejalashtirilgan.
