Andijonda bozor yonib ketdi
Yong‘in oqibatida jabrlanganlar yo‘q, hodisa sababi o‘rganilmoqda.
Andijon viloyatining Asaka tumanida joylashgan savdo rastasida yong‘in yuz berdi. Bu haqda viloyat Favqulodda vaziyatlar boshqarmasi xabar berdi.
Ma’lum qilinishicha, hodisa 16-iyul kuni soat 23:43 da Asaka tumani Marg‘iloniy ko‘chasida joylashgan savdo rastasida sodir bo‘lgan. Xabar kelib tushgach, yong‘in-qutqaruv ekipajlari soat 23:48 da voqea joyiga yetib borgan.
Qutqaruvchilarning tezkor harakatlari natijasida yong‘in 17-iyul kuni soat 00:10 da to‘liq bartaraf etilgan.
Yong‘in oqibatida savdo rastasining 60 kvadrat metr maydonidagi shift va tom qismi, shuningdek, kiyim-kechak mahsulotlari yonib zarar ko‘rgan.
Hodisa oqibatida jabrlanganlar yo‘q.
Ayni paytda yong‘inning kelib chiqish sababi hamda yetkazilgan moddiy zarar miqdorini aniqlash bo‘yicha surishtiruv ishlari olib borilmoqda.
