2026-yilgi Jahon chempionati finali qoldirilmaydi — FIFA
Kanadadagi o‘rmon yong‘inlari sabab final qoldirilishi haqidagi xabarlar tasdiqlanmadi.
FIFA Kanadadagi o‘rmon yong‘inlari oqibatida Nyu-York va Nyu-Jersi hududlarida kuzatilayotgan tutunga qaramay, 2026-yilgi Jahon chempionati finalini kechiktirish rejalashtirilmaganini ma’lum qildi. Bu haqda Bloomberg xabar berdi.
Avvalroq ayrim ommaviy axborot vositalarida Ispaniya va Argentina terma jamoalari o‘rtasida o‘tkazilishi rejalashtirilgan final uchrashuvi qoldirilishi mumkinligi haqida xabarlar tarqalgan edi. Biroq FIFA ushbu ma’lumotlarni tasdiqlamadi.
Federatsiya bayonotiga ko‘ra, musobaqa ishtirokchilarining salomatligiga tahdid yuzaga kelgan taqdirda qo‘llaniladigan maxsus xavfsizlik protokollari mavjud. Zarurat tug‘ilganda vaziyat tezkor baholanadi va o‘yin formatiga oid tegishli qarorlar qabul qilinadi.
Hozircha esa FIFA pozitsiyasi o‘zgarmagan. 2026-yilgi Jahon chempionati finali 19-iyul kuni AQSHning Nyu-Jersi shtatida belgilangan jadval asosida o‘tkazilishi rejalashtirilgan.
