Prezident Davlat xavfsizlik xizmati rahbari Alisher Usmonov ishdan haydaldi
U ushbu lavozimda 2020-yil dekabridan beri ishlab kelgan.
Prezident Davlat xavfsizlik xizmati (PDXX) rahbari Alisher Usmonov egallab turgan lavozimidan ozod etildi.
Alisher Usmonov mazkur lavozimda 2020-yil dekabr oyidan buyon faoliyat yuritib kelayotgan edi.
U Prezident Davlat xavfsizlik xizmatiga rahbar etib tayinlanishidan avval uzoq yillar davomida huquqni muhofaza qiluvchi va xavfsizlik organlarida faoliyat olib borgan. Jumladan, Davlat xavfsizlik xizmati raisining o‘rinbosari lavozimida ishlagan.
Shuningdek, Ichki ishlar vazirligi tizimida ham mas’ul vazifalarda faoliyat yuritgan. Xususan, Toshkent shahar Ichki ishlar bosh boshqarmasi Tergov boshqarmasi boshlig‘ining birinchi o‘rinbosari lavozimida xizmat qilgan.
Davlat xavfsizligi va jamoat tartibini ta’minlash yo‘lidagi xizmatlari uchun 2007-yilda II darajali “Shon-sharaf” ordeni bilan taqdirlangan.
