Toshkentda soliq qarzi sabab ko‘chmas mulk xatlandi
Maʼlum bo‘lishicha, MCHJning bankdan 14 mln so‘m soliq qarzi bo‘lgan.
Majburiy ijro byurosining Yunusobod tuman bo‘limi ish yurituvida Yunusobod tuman davlat soliq inspeksiyasining 2026 yil 13 fevraldagi qaroriga asosan qarzdor “G.W.S.” MCHJdan davlat foydasiga 14 380 611,81 so‘m soliq qarzdorligini undirish to‘g‘risidagi ijro ishi yuritilmoqda.
Ijro hujjati qonun talablariga muvofiq ijroga qabul qilinib, qarzdorga qarzdorlikni ixtiyoriy ravishda qoplash uchun muddat berildi. Biroq belgilangan muddatda qarzdorlik to‘lanmagan. Oqibatda qonun talablariga asosan bank hisob raqamlari hamda ko‘chmas mulkiga taqiq o‘rnatildi.
Olib borilgan majburiy ijro harakatlari davomida 2026 yil 26 iyun kuni xolislar ishtirokida qarzdorga tegishli Yunusobod tumani, Buyuk Turon MFYdagi uy manzilida joylashgan ko‘chmas mulk xatlandi.
Ayni paytda xatlangan mol-mulkni baholash va elektron onlayn-auksion orqali realizatsiya qilish choralari ko‘rilmoqda.
