JCH-2026 o‘yinlariga 6,8 mln tomoshabin tashrif buyurdi

FIFA ma’lumotlariga ko‘ra, AQSH, Kanada va Meksika mezbonlik qilgan 2026-yilgi futbol bo‘yicha jahon chempionatini stadionlardan 6,8 milliondan ortiq muxlis tomosha qilgan. Shu tariqa musobaqa FIFA jahon chempionatlari tarixidagi eng yuqori tashrif ko‘rsatkichi qayd etilgan turnirga aylangan.

 
Bu natija 1994-yilda AQSH mezbonlik qilgan jahon chempionatida o‘rnatilgan avvalgi rekordni sezilarli darajada ortda qoldirdi. 2026-yilgi musobaqada ilk bor 48 ta terma jamoa ishtirok etgani va uch davlat mezbonlik qilgani stadionlarga tashrif buyurgan muxlislar sonining keskin oshishiga xizmat qilgan.

 
Turnir davomida o‘yinlarga o‘rtacha 65 mingdan ortiq muxlis tashrif buyurgan. FIFA, shuningdek, rasmiy fan-festivallar, raqamli platformalar va translyatsiyalar orqali ham rekord darajadagi auditoriya qamrab olinganini ma’lum qilgan.

 
2026-yilgi jahon chempionati 104 ta uchrashuvdan iborat bo‘lib, tarixdagi eng yirik mundial sifatida o‘tkazildi. Musobaqa nafaqat tomoshabinlar soni, balki ishtirokchi jamoalar, o‘yinlar soni va tijoriy ko‘rsatkichlar bo‘yicha ham bir qator rekordlarni yangiladi.