AQSh migrantlar uchun 14 ta yangi saqlash markazi qurishni rejalashtirmoqda
Ma'muriyat kuniga 2 ming nafar migrantni hibsga olish bo‘yicha reja ustida ishlamoqda.
AQSh ma'muriyati migrantlarni vaqtincha saqlash infratuzilmasini kengaytirish maqsadida mamlakatning turli hududlarida 14 ta yangi muassasa qurishni rejalashtirmoqda. Bu haqda Time jurnali xabar berdi.
Nashr ma'lumotiga ko‘ra, AQSh Immigratsiya va bojxona nazorati xizmati (ICE) migrantlarni hibsga olish hajmining ortishi sababli mavjud saqlash markazlarida joy tanqisligiga duch kelmoqda. Shu munosabat bilan Guantanamo ko‘rfazi, Virjiniya orollari va boshqa hududlarda yangi muassasalar qurilishi uchun pudratchilar qidirilmoqda.
Time manbalariga ko‘ra, AQSh ma'muriyati kuniga 2 ming nafar migrantni hibsga olish bo‘yicha maqsadli ko‘rsatkich belgilagan.
Qayd etilishicha, ICE avvalroq tijorat omborlarini migrantlar saqlash markazlariga aylantirish uchun 1 milliard dollar ajratgan. Biroq ushbu loyihalarning aksariyati ekologik tashkilotlarning sud da'volari sabab to‘xtab qolgan.
Nashr hisob-kitoblariga ko‘ra, yangi dastur umumiy qiymati 10 milliard dollarga baholanmoqda.
Rejalarga muvofiq, Gonolulu oroli, Mayami, Texas, Arizona, Nyu-York, Illinoys, Luiziana va Puerto-Rikoda ham migrantlarni saqlash infratuzilmasini kengaytirish ko‘zda tutilgan.
