Bugun ayrim hududlarda chang-to‘zon kuzatilishi mumkin
Shamol tezligi 20–22 m/s gacha kuchayishi prognoz qilinmoqda.
O‘zgidromet ma’lumotiga ko‘ra, bugun, 21-iyul kuni O‘zbekistonning ayrim hududlarida kuchli shamol va chang-to‘zon kuzatilishi mumkin.
Prognozga ko‘ra, respublika bo‘yicha ayrim joylarda shamol tezligi 13–18 m/s gacha kuchayadi. Buxoro, Navoiy, Qashqadaryo, Surxondaryo va Farg‘ona viloyatlarining ayrim hududlarida shamol tezligi ba’zan 20–22 m/s gacha yetishi hamda chang-to‘zonlar kuzatilishi ehtimoli mavjud.
Shuningdek, Toshkent shahrida ham shamol tezligi 12–14 m/s gacha kuchayishi, ayrim hududlarda chang-to‘zonlar kuzatilishi mumkin.
Eslatib o‘tamiz, avvalroq 23-iyuldan boshlab respublikaning aksariyat hududlarida anomal issiq havo asta-sekin chekina boshlashi haqida ham xabar berilgan edi.
