Eron dronlari Iordaniyaga hujum qildi
Iordaniya harbiylari mamlakat havo hududiga kirgan beshta Eron dronini urib tushirganini ma’lum qildi.
Iordaniya Qurolli kuchlari 21-iyul kuni mamlakat shimoli va markaziy hududlari tomon uchib kelayotgan beshta uchuvchisiz uchish apparati havo mudofaa tizimlari tomonidan yo‘q qilinganini ma’lum qildi. Rasmiylarga ko‘ra, dronlar Eron tomonidan uchirilgan bo‘lib, ular mamlakat havo hududiga xavf tug‘dirgan. Bu haqda APnews xabar berdi.
Iordaniya armiyasi dronlar urib tushirilishi natijasida hech kim jabrlanmagani va infratuzilmaga zarar yetmaganini bildirgan. Harbiylar mamlakat havo hududini himoya qilish bo‘yicha barcha zarur choralar ko‘rilayotganini, har qanday tahdidga tezkor javob qaytarilishini ta’kidlagan.
Mamlakat hududida AQSH harbiy bazalari joylashgani bois u bir necha bor raketa va dron hujumlari xavfiga duch kelgan. Ummon rasmiylari esa mojaroning biror tomonini qo‘llamasligini, asosiy maqsadi mamlakat xavfsizligini ta’minlash ekanini bildirgan.
Ayni paytda AQSH va Eron o‘rtasidagi qarama-qarshilik Hormuz bo‘g‘ozi va Fors ko‘rfazi atrofida davom etmoqda. Tomonlar o‘zaro havo hujumlari va tahdidlarni kuchaytirayotgan bir vaqtda mintaqadagi boshqa davlatlar ham xavfsizlik choralarini kuchaytirmoqda.
