Toshkentda soliq qarzi sabab 3 ta mashina xatlandi
Maʼlum bo‘lishicha, qarzdor MCHJning soliqdan 69 mln qarzi bo‘lgan.
Yashnobod tuman soliq inspeksiyasining qarorlariga asosan qarzdor «N.G.T.» MCHJdan jami 69 727 426 so‘m miqdoridagi soliq qarzdorligini undirish to‘g‘risidagi ijro hujjatlari yuzasidan ijro ishlari qo‘zg‘atilgan.
Qarzdorga qarzdorlikni ixtiyoriy ravishda qoplash uchun qonunchilikda belgilangan muddat berilgan hamda bu haqda bir necha marotaba rasmiy ravishda ogohlantirilgan. Biroq belgilangan muddatda soliq qarzi to‘lanmaganligi sababli majburiy ijro harakatlari amalga oshirilgan.
Ijro harakatlari davomida qarzdorga tegishli 11 ta avtotransport vositasiga taqiq qo‘yilib, qidiruv eʼlon qilingan. Shuningdek, qarzdorga tegishli 3 ta avtotransport vositasi aniqlanib, xatlandi va vaqtinchalik saqlash uchun jarima maydonchasiga joylashtirildi.
