Toshkentda uy yonib ketdi
Yong‘in oqibatida jabrlanganlar qayd etilmagan.
Toshkent shahrining Yangihayot tumanida xususiy xonadonda yuz bergan yong‘in qisqa vaqt ichida bartaraf etildi.
Favqulodda vaziyatlar xizmatiga ko‘ra, 22-iyul kuni soat 12:00 da Yangihayot tumani Qipchoq ko‘chasida joylashgan xususiy xonadonda yong‘in sodir bo‘lgani haqida xabar kelib tushgan.
Qutqaruv ekipajlari voqea joyiga soat 12:09 da yetib borib, yong‘inni o‘chirish ishlarini boshlagan. Yong‘in soat 12:29 da to‘liq bartaraf etilgan.
Ma’lum qilinishicha, hodisa oqibatida tan jarohati olgan fuqarolar yo‘q.
Hozirda yong‘inning kelib chiqish sababi hamda yetkazilgan moddiy zarar miqdori aniqlanmoqda.
