Venesuelada hantavirusdan uch kishi vafot etdi
O‘limlar yuzasidan epidemiologik tekshiruv boshlandi.
Venesuela Sog‘liqni saqlash vazirligi Ansoategi (Anzoátegui) shtatida hantavirus infeksiyasi oqibatida uch kishi vafot etganini rasman tasdiqladi.
Mahalliy OAV ma’lumotlariga ko‘ra, vazirlik marhumlarning shaxsi va yoshi oshkor qilinmasligini bildirgan hamda holat yuzasidan epidemiologik va laborator tekshiruvlar boshlanganini ma’lum qilgan.
Shuningdek, Sog‘liqni saqlash vazirligi mamlakatning g‘arbidagi Barinas shtatida ikki nafar tibbiyot xodimi noma’lum sabablar bilan vafot etgani haqida ham axborot bergan.
Rasmiy bayonotda Barinasdagi o‘lim holatlari bilan Ansoategi shtatida qayd etilgan hantavirus infeksiyasi o‘rtasida hech qanday bog‘liqlik aniqlanmagani, mazkur holatlar alohida tartibda o‘rganilayotgani ta’kidlangan.
Hozirda mutaxassislar Ansoategi shtatidagi kasallik manbasi va yuqish sharoitlarini aniqlash bo‘yicha tergov-surishtiruv ishlarini davom ettirmoqda.
