Ilmiy maqolangizni xalqaro jurnalda chop etmoqchimisiz? Amaliy seminar tashkil etiladi
Scopus va Web of Science nashrlari uchun 3 kunlik amaliy trening bo‘lib o‘tadi.
Milliy biofarmatsevtika ilmiy-tadqiqot instituti (MBFITI) tomonidan Scopus va Web of Science bazalarida indekslangan xalqaro jurnallarda ilmiy maqolalarni nashr etish bo‘yicha 3 kunlik amaliy seminar tashkil etilmoqda.
Seminar davomida ishtirokchilar Scopus va Web of Science bazalarining imkoniyatlari, xalqaro standartlar asosida ilmiy maqola yozish, IMRAD formatida maqola tayyorlash, tadqiqot uchun mos jurnalni tanlash hamda maqolani jurnalga topshirish (submission) jarayonini bosqichma-bosqich o‘rganadi.
Shuningdek, treningda peer-review jarayoni, ekspertlarning izohlariga professional javob yozish, ilmiy etika, plagiat va mualliflik huquqi bo‘yicha amaliy tavsiyalar beriladi.
Seminarda tibbiyot va farmatsiya sohasi mutaxassislari, ilmiy xodimlar, klinik tadqiqotchilar, professor-o‘qituvchilar, magistratura talabalari, PhD va DSc izlanuvchilari, yosh olimlar hamda ilmiy maqolalarini xalqaro jurnallarda chop etishni istagan barcha qiziquvchilar ishtirok etishi mumkin.
Sana: 27–29-iyul
Vaqti: 10:00
Manzil: BioPharma City majlislar zali.
