Chirchiqda Lacetti daraxtga urildi, haydovchi halok bo‘ldi
Avtomobilda bo‘lgan yo‘lovchilar esa shifoxonaga olib borilgan.
Toshkent viloyatining Chirchiq shahrida Lacetti rusumli avtomobil ishtirokida sodir bo‘lgan yo‘l-transport hodisasi oqibatida haydovchi halok bo‘ldi.
Toshkent viloyati Yo‘l harakati xavfsizligi boshqarmasi ma’lum qilishicha, hodisa 24-iyul kuni soat taxminan 06:30 larda D006 “Toshkent–Chirchiq–Chimyon” avtomobil yo‘lining 27-kilometrida sodir bo‘lgan.
Dastlabki ma’lumotlarga ko‘ra, 1995-yilda tug‘ilgan A.D. boshqaruvidagi Lacetti rusumli avtomobil harakatlanayotgan vaqtda haydovchi rul boshqaruvini yo‘qotgan, natijada transport vositasi yo‘l chetidagi daraxtga urilgan.
Oqibatda haydovchi olgan tan jarohatlari sabab voqea joyida vafot etgan. Avtomobilda bo‘lgan yo‘lovchilar esa Chirchiq shahar tibbiyot birlashmasiga yetkazilgan.
Mazkur holat yuzasidan Chirchiq shahar IIB tomonidan tergov harakatlari olib borilmoqda.
