“Ispaniya adolatli g‘alaba qozondi” - AFA prezidenti
U muxlislarni natijani qabul qilishga va jamoani qo‘llab-quvvatlashda davom etishga chaqirdi.
Argentina futbol assotsiatsiyasi prezidenti Klaudio Tapiya JCH–2026 finali yuzasidan bayonot berib, Ispaniyaning g‘alabasi adolatli bo‘lganini ta'kidladi. Uning aytishicha, finaldagi mag‘lubiyat og‘riqli bo‘lsa-da, natijani hakamning bahsli qarorlari bilan izohlash to‘g‘ri emas.
“Biz mag‘lub bo‘ldik, ammo futbol shunday o‘yin. Ispaniya adolatli g‘alaba qozondi. Ularni tabriklaymiz. Biz esa boshimizni baland ko‘tarib, oldinga qarashimiz kerak”, degan Tapiya.
So‘nggi kunlarda ijtimoiy tarmoqlarda JCH finalini qayta o‘tkazish talabi bilan petitsiya tarqalib, minglab argentinalik muxlislar hakam Slavko Vinchichning ayrim qarorlaridan norozi ekanini bildirgan edi. Biroq AFA rahbari bunday tashabbusni qo‘llab-quvvatlamasligini ma'lum qildi.
Tapiyaning ta'kidlashicha, Argentina terma jamoasi finalda bor kuchini ishga solgan, ammo bu safar raqib ustun kelgan. U futbolchilar, murabbiylar shtabi va muxlislarga turnir davomida ko‘rsatgan qo‘llab-quvvatlovi uchun minnatdorlik bildirib, jamoa yanada kuchliroq bo‘lib qaytishiga ishonch bildirdi.
