Tanzila Norboyeva “El-yurt hurmati” ordeni bilan mukofotlandi
Oliy Majlis Senati raisi davlat va jamiyat boshqaruvi, parlament faoliyatini rivojlantirish hamda demokratik islohotlarni amalga oshirishdagi xizmatlari uchun hamda tavalludining 70 yilligi munosabati bilan taqdirlandi.
O‘zbekiston Prezidenti Shavkat Mirziyoyevning farmoni bilan Oliy Majlis Senati Raisi Tanzila Norboyeva “El-yurt hurmati” ordeni bilan mukofotlandi.
Farmonda qayd etilishicha, Tanzila Norboyeva davlat va jamiyat boshqaruvi sohasidagi ko‘p yillik samarali mehnati, Yangi O‘zbekistonda parlament faoliyatini rivojlantirish, demokratik islohotlarni izchil amalga oshirishdagi alohida xizmatlari uchun hamda tavalludining 70 yilligi munosabati bilan taqdirlandi.
Shuningdek, uning milliy davlatchilikning huquqiy asoslarini mustahkamlash, inson qadrini ulug‘lash, ayollarning jamiyatdagi o‘rni va nufuzini yuksaltirishga qaratilgan ustuvor vazifalar ijrosiga qo‘shgan hissasi, yosh avlodni vatanparvarlik ruhida tarbiyalash hamda mamlakat ijtimoiy-siyosiy hayotidagi faol ishtiroki e’tirof etilgan.
