O‘zbekistonda tug‘ilish kamayib, o‘lim holatlari ko‘paydi
Olti oyda mamlakatdada 373 mingdan ortiq chaqaloq tug‘ildi.
2026-yilning yanvar–iyun oylarida O‘zbekistonda 373 ming 400 nafar bola tug‘ildi. Bu ko‘rsatkich 2025-yilning mos davriga nisbatan 32 ming 100 nafarga kam.
Statistika qo‘mitasi ma’lumotlariga ko‘ra, tug‘ilgan chaqaloqlarning 192 ming 900 nafari o‘g‘il, 180 ming 500 nafari qiz bo‘lgan. Shuningdek, 182 ming 900 nafar bola shaharlarda, 190 ming 500 nafari esa qishloq hududlarida dunyoga kelgan.
Hisobotda qayd etilishicha, mamlakatda tug‘ilish darajasi pasayish tendensiyasini davom ettirmoqda.
Shu bilan birga, joriy yilning dastlabki olti oyida 86 ming 900 ta o‘lim holati qayd etilgan. Shundan 48 ming 300 nafari erkaklar, 38 ming 600 nafari ayollar hissasiga to‘g‘ri keladi.
2025-yilning yanvar–iyun oylariga nisbatan o‘lim holatlari soni 2 ming 800 taga oshgan.
