AQShning Sietl shtatida otishma sodir bo'ldi, ikki kishi vafot etdi
Jarohatlanganlardan to‘rt nafari shifoxonaga yotqizilgan, ulardan birining ahvoli og‘ir ekani ma’lum qilindi.
AQShning Sietl shahrida o‘tkazilgan oziq-ovqat festivali vaqtida sodir bo‘lgan otishma oqibatida ikki kishi halok bo‘ldi, yana besh kishi jarohatlandi.
Mahalliy hokimiyat ma’lumotlariga ko‘ra, hodisa yakshanba kuni kechqurun Sietl markazida yuz bergan. Ikki kishi voqea joyida halok bo‘lgan, to‘rt nafar jabrlanuvchi shifoxonaga yotqizilgan. Yengil jarohat olgan yana bir kishi esa shifoxonaga yotqizilishdan bosh tortgan.
Harborview tibbiyot markazi vakili Syuzan Greggning ma’lum qilishicha, shifoxonaga bir nafar bola, bir erkak va ikki ayol olib kelingan. Ulardan birining ahvoli og‘ir deb baholanmoqda.
Sietl politsiya boshqarmasi hodisa yuzasidan tergov boshlagan. Gumondor yoki gumondorlarning shaxsi hamda voqea sabablari hozircha oshkor etilmagan.
Otishmadan so‘ng xavfsizlik nuqtai nazaridan Sietl markaziy monorelsi vaqtincha faoliyatini to‘xtatgan.
