O‘zbekistonda olti oyda qariyb 2,3 mingta YTH qayd etildi
Eng ko‘p yo‘l-transport hodisasi Toshkent shahrida, eng kam holat esa Buxoro viloyatida sodir bo'gan.
2026-yilning yanvar–iyun oylarida O‘zbekistonda 2 286 ta yo‘l-transport hodisasi qayd etildi.
Milliy statistika qo‘mitasi ma’lumotlariga ko‘ra, hisobot davrida sodir bo‘lgan yo‘l-transport hodisalari oqibatida 3 306 nafar fuqaro jabrlangan.
Hududlar kesimida eng ko‘p yo‘l-transport hodisasi Toshkent shahrida – 420 ta qayd etilgan. Keyingi o‘rinlarda Samarqand viloyati (311 ta), Toshkent viloyati (271 ta) va Farg‘ona viloyati (218 ta) joy olgan.
Eng kam yo‘l-transport hodisasi esa Buxoro viloyatida – 48 ta qayd etilgan.
Statistikaga ko‘ra, qolgan hududlarda quyidagi ko‘rsatkichlar qayd etilgan: Qoraqalpog‘iston Respublikasida – 114 ta, Andijon viloyatida – 160 ta, Jizzax viloyatida – 75 ta, Qashqadaryo viloyatida – 135 ta, Navoiy viloyatida – 83 ta, Namangan viloyatida – 196 ta, Surxondaryo viloyatida – 120 ta, Sirdaryo viloyatida – 50 ta hamda Xorazm viloyatida – 85 ta yo‘l-transport hodisasi.
