Rossiya urushni boshlamagan — Putin
Rossiya prezidentining aytishicha, Moskva Ukrainadagi urushni boshlamagan, balki Kiyev tomonidan boshlangan harbiy harakatlarga javob qaytargan.
Rossiya prezidenti Vladimir Putin Rossiya Ukrainadagi urushni boshlamaganini, balki Kiyev tomonidan boshlangan harbiy harakatlarga javob qaytarganini ta’kidladi.
Putin ushbu bayonotni Harbiy-dengiz kuchlari kuni munosabati bilan Sankt-Peterburg shahrida Rossiya harbiy-dengiz floti xizmatchilari bilan uchrashuv chog‘ida bildirgan.
Rossiya prezidenti so‘zlariga ko‘ra, Moskva harbiy amaliyotlarni boshlamagan, balki uning ta’kidlashicha, G‘arb ko‘magidagi Kiyev hukumati tomonidan Ukrainaning janubi-sharqida olib borilgan harbiy harakatlarga javob bergan.
“Biz hech qanday urush boshlamadik. Biz shunchaki Kiyev rejimi tomonidan G‘arb ko‘magida boshlangan, o‘sha paytdagi janubi-sharqiy Ukrainaga qarshi va Rossiyaga yo‘naltirilgan harbiy harakatlarga javob bera boshladik”, — dedi Vladimir Putin.
Mazkur bayonot Rossiya prezidentining Ukrainadagi mojaro yuzasidan navbatdagi rasmiy pozitsiyasi sifatida yangragan. Ukraina va G‘arb davlatlari esa mojaroning kelib chiqishi bo‘yicha Rossiya tomonidan bildirilayotgan bu talqinlarni rad etib keladi.
