Samarqandda bir yigitni uch kishi kaltakladi
Holat yuzasidan jinoyat ishi qo‘zg‘atilgan.
Samarqand viloyati Ichki ishlar boshqarmasi ma’lum qilishicha, hodisa 23-iyul kuni soat 20:10 atrofida Samarqand shahrida sodir bo‘lgan.
Dastlabki ma’lumotlarga ko‘ra, 1991-yilda tug‘ilgan J. G. o‘zining 1974-yilda tug‘ilgan qo‘shnisi U. A. bilan o‘zaro tortishib qolgan. Janjal davomida U. A. ning 1997-yilda tug‘ilgan o‘g‘li hamda yana ikki nafar tanishi mojaroga aralashib, J. G. ga qo‘l va oyoqlari bilan zarba berib, tan jarohati yetkazgan.
Mazkur holat yuzasidan o‘sha kunning o‘zida tergovga qadar surishtiruv harakatlari boshlangan. Samarqand shahar IIO FMB huzuridagi Tergov bo‘limi tomonidan Jinoyat kodeksining 277-moddasi 2-qismi "b" bandi (bezorilik) bilan jinoyat ishi qo‘zg‘atilgan.
Hozirda mazkur holat yuzasidan dastlabki tergov harakatlari davom ettirilmoqda.
