Toshkentda soliq qarzi sabab qarzdorning mashinasi xatlandi
Shundan so‘ng qarzdor korxona soliq qarzini to‘lashga majbur bo‘lgan.
Majburiy ijro byurosining Yashnobod tuman bo‘limi ish yurituvida Toshkent shahar Davlat soliq boshqarmasining bir nechta qarorlariga asosan qarzdor “A.d.” MCHJdan Toshkent shahar Davlat soliq boshqarmasi foydasiga jami 166 million so‘m soliq qarzdorligini undirishga oid ijro hujjatlari mavjud edi.
Davlat ijrochisi tomonidan qonunchilik talablariga muvofiq olib borilgan ijro harakatlari davomida qarzdorga qarzdorlikni ixtiyoriy ravishda bartaraf etish uchun imkoniyat berilgan. Biroq belgilangan muddatda qarzdorlik qoplanmaganligi sababli, qarzdorga tegishli elektromobil xatlanib, elektron onlayn-auksion savdolariga chiqarildi.
Majburiy ijro choralari qo‘llanilib, avtotransport vositasi auksionga chiqarilganidan so‘ng, qarzdor tomonidan jami 166 million so‘m soliq qarzdorligi to‘liq qoplandi. Shundan so‘ng ijro harakatlari qonunchilikda belgilangan tartibda yakunlandi.
