Yekaterinburg aeroportidagi cheklovlar tufayli Namangan reysi jadvali yangilandi
Ayrim reyslar Chelyabinsk zaxira aeroportiga yo‘naltirildi va qatnovlar jadvali vaqtincha o‘zgartirildi.
Yekaterinburg aeroportida joriy etilgan vaqtinchalik cheklovlar munosabati bilan Uzbekistan Airways’ning HY9829/9830 reyslari jadvali o‘zgartirildi.
Aviakompaniya ma’lum qilishicha, 2026-yil 27-iyul kuni HY9829 reysi Yekaterinburg o‘rniga Chelyabinsk zaxira aeroportiga yo‘naltirilgan. Shu sababli mazkur yo‘nalishdagi qatnovlar o‘zgartirilgan jadval asosida amalga oshiriladi.
Yangilangan jadvalga ko‘ra:
-
HY9829 reysi Chelyabinskdan soat 11:00 da jo‘nab, 11:30 da Yekaterinburgga yetib boradi.
-
HY9830 reysi esa Yekaterinburgdan soat 13:00 da jo‘nab, 16:10 da Namangan shahriga yetib keladi.
Aviakompaniya yo‘lovchilar va kutib oluvchilardan qatnov vaqtidagi o‘zgarishlarni inobatga olishni hamda aeroportga belgilangan jadval asosida kelishni so‘radi.
