Surxondaryoda ota 9 yoshli qiziga mol tezagini majburan yedirdi
Ijtimoiy tarmoqlarda tarqalgan videoga viloyat IIB rasmiy munosabat bildirdi.
Ijtimoiy tarmoqlarda Surxondaryo viloyati Qumqo‘rg‘on tumanida ota voyaga yetmagan qiziga nisbatan zo‘ravonlik qilib, uni mol go‘ngini majburan yedirgani aks etgan videotasvir tarqaldi.
Surxondaryo viloyati Ichki ishlar boshqarmasi ma’lum qilishicha, ijtimoiy tarmoqlarda tarqalgan videoda aks etgan holat yuzasidan tekshiruv o‘tkazilgan.
Aniqlanishicha, joriy yilning 25-iyul kuni Qumqo‘rg‘on tumanida yashovchi ayol murojaat qilib, turmush o‘rtog‘i — 1993-yilda tug‘ilgan Ch.B. voyaga yetmagan qizini qiynayotganini bildirgan.
O‘rganishlar davomida videotasvir 2025-yil 30-dekabr kuni olingani, unda ota voyaga yetmagan qiziga nisbatan zo‘ravonlik va nomaqbul harakatlar sodir etgani, keyinchalik esa ushbu tasvir ijtimoiy tarmoqlarda tarqatilgani aniqlangan.
Mazkur holat yuzasidan Qumqo‘rg‘on tumani IIB huzuridagi Tergov bo‘linmasi tomonidan Jinoyat kodeksining 110-moddasi 2-qismi "a" bandi (qiynash) bilan jinoyat ishi qo‘zg‘atildi.
Gumonlanuvchi protsessual tartibda ushlangan. Hozirda jinoyat ishi doirasida dastlabki tergov harakatlari davom ettirilmoqda.
