Bo'kada bedarak yo‘qolgan erkak o‘lik holda topildi
Hozirda marhumning o‘lim sababini aniqlash uchun sud-tibbiy ekspertizasi tayinlangan.
Toshkent viloyatining Bo‘ka tumanida bedarak yo‘qolgani haqida xabar berilgan erkakning jasadi topildi.
Bu haqda Bosh prokuratura matbuot kotibi Hayot Shamsutdinov ma’lum qildi.
Qayd etilishicha, 1967-yilda tug‘ilgan erkakning jasadi aniqlangan holat yuzasidan tergovga qadar tekshiruv harakatlari boshlangan.
Marhumning o‘lim sababini aniqlash maqsadida sud-tibbiy ekspertizasi tayinlangan.
Hozirda mazkur holat bo‘yicha har tomonlama, to‘liq va xolis tekshiruv ishlari olib borilmoqda. Tekshiruv yakunlariga ko‘ra, qonunchilikda belgilangan tartibda tegishli protsessual qaror qabul qilinishi ma’lum qilindi.
