Jizzaxda ona-bolalar MIB orqali yashash xonadoniga qaytdi
Maʼlum bo‘lishicha, ona va uning uch nafar bolalari turmush o‘rtog‘ining uyiga kiritilmayotgan bo‘lgan.
Majburiy ijro byurosining Paxtakor tuman bo‘limi ish yurituvida bo‘lgan fuqaro M.R.ni uch nafar voyaga yetmagan farzandi bilan yashash xonadoniga kiritish to‘g‘risidagi ijro hujjati bo‘yicha belgilangan ijro harakatlari to‘liq amalga oshirilib, sud qarori amalda taʼminlandi.
Ijro jarayonida davlat ijrochisi tomonidan sud hujjatining talablari barcha ishtirokchilarga tushuntirilib, qarorni ixtiyoriy ravishda bajarish uchun qonunchilikda nazarda tutilgan imkoniyatlar yaratildi. Biroq belgilangan muddatda sud qarori ijro etilmagani bois, majburiy ijro choralari qo‘llanildi.
Olib borilgan ijro harakatlari natijasida fuqaro M.R. hamda uning uch nafar farzandi qonuniy ravishda yashash xonadoniga kiritildi. Shu tariqa sud hujjatida belgilangan talablar to‘liq taʼminlanib, mazkur ijro ishining ijrosi amalda tamomlandi.
