Toshkentda tungi reyd payti qarzdorning mashinasi xatlandi
Maʼlum bo‘lishicha, MCHJning bankdan 15 mln qarzi bo‘lgan.
Majburiy ijro byurosi Mirzo Ulug‘bek tuman bo‘limi ish yurituvida jinoyat ishlari bo‘yicha Qibray tuman sudining 2026 yil 10 iyuldagi ijro varaqasiga asosan qarzdor “M.G.” MCHJdan undiruvchi D.D. foydasiga 15 962 805 so‘m miqdorida moddiy zarar undirish to‘g‘risidagi ijro hujjati mavjud.
Majburiy ijro harakatlari davomida qarzdor korxonaga tegishli bo‘lgan “GAC AION S Plus” rusumli avtotransport vositasi mavjudligi aniqlanib, unga nisbatan qidiruv eʼlon qilingan.
Toshkent shahar IIBB YHXBB organlari bilan hamkorlikda o‘tkazilgan tadbirlar natijasida mazkur avtotransport vositasi ushlanib, jarima maydonchasiga joylashtirildi.
Fuqaro foydasiga belgilangan moddiy zararni undirishni taʼminlash maqsadida qarzdor korxonaga tegishli ushbu avtotransport vositasiga nisbatan qonunchilikda belgilangan tartibda majburiy ijro choralari qo‘llanildi.
Ayni paytda ushbu avtotransport vositasini belgilangan tartibda auksion savdolariga chiqarish bo‘yicha tegishli chora-tadbirlar amalga oshirilmoqda.
