Qoraqalpog‘istonda fuqaro mashinasi xatlangach, zararni to‘lashga majbur bo‘ldi
Maʼlum bo‘lishicha, fuqaro gaz tarmog‘iga yashirincha ulanib 25 mln so‘mdan ziyod zarar yetkazgan.
Fuqaro D.Sh. o‘zining yashash uyiga tabiiy gazni to‘g‘ridan-to‘g‘ri rezina shlang orqali ulab, noqonuniy foydalanib kelganligi oqibatida “Ellikqalʼatumangaz” taʼminoti bo‘limiga jami 25,5 mln so‘m zarar yetkazgan.
Yetkazilgan zararlarni undirish haqida Jinoyat ishlari bo‘yicha Ellikqalʼa tuman sudi tomonidan qaror chiqarilgan.
Ushbu sud qaroriga asosan chiqarilgan ijro varaqa Majburiy ijro byurosi Ellikqalʼa tuman bo‘limi ish yurituviga kelib tushgan va bo‘lim davlat ijrochilari tomonidan ijro harakatlariga kirishilgan.
Xususan, bo‘lim tomonidan qarzdorga ijro hujjati talabini ixtiyoriy ravishda bajarish uchun 15 kunlik muddat berilgan.Berilgan muddat ichida, qarzdor tomonidan ijro hujjati talabi ixtiyoriy ravishda bajarilmaganligi sababli, uning nomidagi “COBALT” rusumli avtomashina tegishli tartibda xatlangan.
Shuning natijasida, qarzdor “Ellikqalʼatumangaz” taʼminoti bo‘limiga yetkazilgan 25,5 mln so‘m zararni joriy yilning 30 iyul kuni to‘lig‘i bilan to‘lab bergan.
