Farg‘onada 5 yil davom etgan noqonuniy qurilish to'xtatildi
Qurilish Prezident Administratsiyasi rahbari tashabbusi bilan olib borilgan ishlar doirasida demontaj qilindi.
Farg‘ona viloyati Farg‘ona shahri Shodiyona ko‘chasida uzoq yillardan buyon aholi e’tirozlariga sabab bo‘lib kelgan noqonuniy qurilish demontaj qilindi.
Ma’lum qilinishicha, mazkur obyekt qariyb besh yil davomida hudud aholisiga noqulaylik tug‘dirib kelgan. Fuqarolarning ko‘plab murojaatlariga qaramay, qurilish ishlari davom ettirilgan.
Ko‘rilgan choralar natijasida noqonuniy qurilish buzib tashlandi. Ushbu ishlar Prezident Administratsiyasi rahbari Saida Mirziyoyeva ilgari surgan aholi uchun qulay shahar muhitini yaratish, noqonuniy qurilishlarning oldini olish hamda bolalar uchun zamonaviy o‘yin maydonchalarini barpo etish tashabbuslari doirasida amalga oshirildi.
Hudud aholisi amalga oshirilgan ishlardan mamnunligini bildirib, masalaga e’tibor qaratilgani uchun minnatdorlik izhor qilgan.
