Izza bozorida daxshatli yong‘in sodir bo‘ldi
Yong'in qariyb ikki soatda o'chirilgan.
Bugun, 6-avgust kuni soat 12:29 da Toshkent viloyati Zangiota tumani "Tokzor" mahallasi hududida joylashgan savdo do‘konlaridan birida yong‘in sodir bo‘lgani to‘g‘risida Favqulodda vaziyatlar boshqarmasi navbatchilik qismiga xabar kelib tushgan.
Xabarga asosan, voqea joyiga Favqulodda vaziyatlar vazirligining qutqaruv ekipajlari zudlik bilan yetib borib, yong‘inni bartaraf etish ishlarini boshlagan.
FVV ma’lumotiga ko‘ra, yong‘in soat 13:48 da qurshab olingan va soat 14:09 da to‘liq bartaraf etilgan.
Dastlabki ma’lumotlarga ko‘ra, hodisa oqibatida jabrlanganlar haqida ma’lumot kelib tushmagan. Vaziyat mutasaddi xizmatlar tomonidan to‘liq nazoratga olingan.
