Kongoda Ebola epidemiyasi avj olmoqda —yangi holatlarning asosiy qismi noma’lum manbalardan
Kasallanganlar soni 3 874 nafarga, qurbonlar soni esa 1 751 nafarga yetdi.
Kongo Demokratik Respublikasida Ebola epidemiyasi kengayishda davom etmoqda. Mamlakatda tasdiqlangan kasallanish holatlari soni qariyb 4 ming nafarga yetdi.
Reuters agentligi xabariga ko‘ra, Kongo Demokratik Respublikasi Sog‘liqni saqlash vazirligining so‘nggi ma’lumotlariga asosan, epidemiya boshlanganidan buyon 3 874 ta Ebola holati qayd etilgan. Ulardan 1 751 nafari vafot etgan.
Rasmiylarning ta’kidlashicha, yangi aniqlanayotgan holatlarning 60–80 foizi avval ma’lum bo‘lgan yuqish zanjirlari bilan bog‘liq emas. Bu esa virusning nazoratdan tashqari tarqalayotganini ko‘rsatmoqda.
Kasallik Bundibugyo virusi sabab yuzaga kelgan bo‘lib, ayni paytda unga qarshi tasdiqlangan vaksina yoki maxsus davolash usuli mavjud emas.
Epidemiyaning asosiy o‘chog‘i hisoblangan Ituri provinsiyasi barcha kasallanish holatlarining qariyb 90 foizini tashkil etmoqda. Shuningdek, hududdagi qurolli mojarolar sabab ayrim aholi punktlariga tibbiy yordam yetkazish qiyinlashayotgani qayd etilgan.
