Toshkentda keksa ayolga tegajog‘lik qilgan yigit qamaldi
Huquqbuzar sud majlisida aybini tan olib, qilmishidan pushaymonligini bildirgan va suddan yengillik berishni so‘ragan.
Toshkent shahrining Yashnobod tumanida mast holatda keksa ayolga nisbatan uyatsiz harakatlar sodir etgan 22 yoshli yigit 15 sutkaga ma’muriy qamoqqa olindi.
Sud hujjatlariga ko‘ra, huquqbuzar sud majlisida aybiga to‘liq iqror bo‘lib, qilmishidan pushaymon ekanini, kelgusida bunday holat takrorlanmasligini bildirib, suddan yengillik so‘ragan.
Sud qarori bilan u Ma’muriy javobgarlik to‘g‘risidagi kodeksning 183-moddasi, 187-moddasi 2-qismi va 194-moddasi 1-qismida nazarda tutilgan huquqbuzarliklarni sodir etgan deb topilib, 15 sutka ma’muriy qamoq jazosi tayinlandi.
