Namangan shahrining sobiq hokimi 11 yilga qamaldi
Shuningdek, u 3 yil muddatga mansabdorlik va moddiy javobgarlik yuklatilgan ishlarda ishlash huquqidan ham mahrum etildi.
Jinoyat ishlari bo‘yicha O‘zbekiston tuman sudining 2026-yil 7-avgustdagi hukmi bilan 1972-yilda tug‘ilgan, Namangan shahar hokimi lavozimida ishlagan A.O. bir qator jinoyatlarni sodir etganlikda aybli deb topildi.
Sud ma’lumotlariga ko‘ra, u Jinoyat kodeksining 167-moddasi 3-qismi “a” bandi, 168-moddasi 3-qismi “v” bandi, 205-moddasi 2-qismi “a” bandi, 206-moddasi 2-qismi “a” bandi, 207-moddasi 1-qismi, 209-moddasi 2-qismi “a” bandi va 210-moddasi 3-qismi “a” bandida nazarda tutilgan jinoyatlarni sodir etganlikda aybdor deb topilgan.
Sud hukmiga ko‘ra, A.O.ga Jinoyat kodeksining 59-moddasi 3-qismi tartibida uzil-kesil 11 yil muddatga ozodlikdan mahrum qilish jazosi tayinlangan. Shuningdek, u 3 yil muddatga mansabdorlik va moddiy javobgarlik yuklatilgan ishlarda ishlash huquqidan mahrum qilingan.
Mazkur jinoyat ishi doirasida yana uch nafar sudlanuvchiga 7 yildan 10 yil 6 oygacha ozodlikdan mahrum qilish, ikki nafariga 2 yil 6 oy muddatga axloq tuzatish ishlari, yana bir sudlanuvchiga esa 3 yilga ozodlikni cheklash jazosi tayinlangan.
Sud hukmi ustidan taraflar qonunda belgilangan tartib va muddatlarda Farg‘ona viloyat sudiga apellyatsiya yoki kassatsiya tartibida shikoyat berish, shuningdek, protest keltirish huquqiga ega.
