“Bizga boshqa teatr kerak emas” — G‘olibaf Trampga
Eron parlamenti spikeri Trampni tahdidlarni to‘xtatib, Eron bilan bog‘liq majburiyatlarini bajarishga chaqirdi.
Eron parlamenti spikeri Muhammad Bag‘ir G‘olibaf AQSh prezidenti Donald Trampni tahdidlar va qarama-qarshi bayonotlar berishni to‘xtatib, Eron bilan bog‘liq majburiyatlarini bajarishga chaqirdi.
G‘olibafning ta’kidlashicha, qo‘rqitish, va’dalarni buzish va yolg‘on axborotdan bosim vositasi sifatida foydalanish muvaffaqiyatsiz strategiyadir. U Trampning Eron hududiga yangi zarbalar berish haqidagi tahdidlari hamda muzokaralarga tayyorligi haqidagi bayonotlarini “takrorlanuvchi teatr diplomatiyasi” deb atagan.
Avvalroq Tramp AQShning Eronga qarshi harbiy operatsiyasi tez orada yakunlanishi mumkinligini bildirgan va tomonlar o‘rtasida muzokaralar borayotganini aytgan edi. Shu bilan birga, u Eron Hormuz bo‘g‘ozini ochmasa, AQSh tomonidan kuchli zarba berilishi mumkinligi haqida ogohlantirgan.
