Andijon viloyatida tongda zilzila bo‘ldi
Zilzila epitsentri Marhamat tumani bo‘lgan. U yerda yer silkinishi 2–3 ballni tashkil etgan.
9-avgust kuni tongda Andijon viloyatining ayrim hududlarida zilzila sodir bo‘ldi. Bu haqda Seysmoprognostik monitoring markazi ma’lum qildi.
Qayd etilishicha, zilzila epitsentri Marhamat tumanida joylashgan bo‘lib, u yerda yer silkinishi 2–3 ball kuch bilan sezilgan. Zilzilaning magnitudasi 3, chuqurligi esa 10 kilometrni tashkil etgan. Epitsentr Toshkent shahridan 276 kilometr janubi-sharqda joylashgan.
Zilzila quyidagi hududlarda sezilgan:
- Marhamat tumanida — 2–3 ball, 8 km;
- Buloqboshi tumanida — 2–3 ball, 10 km;
- Asaka tumanida — 2 ball, 17 km;
- Xo‘jaobod tumanida — 2 ball, 22 km.
