Farg‘onada MIB orqali qidiruvdagi mashina topildi
Maʼlum bo‘lishicha, fuqaro bankdan kredit olib, uni to‘lamagan. Garovdagi mulkni esa yashirishga uringan.
Farg‘ona tumanlararo sudining ijro hujjatiga asosan, qarzdordan “Mikrokreditbank” foydasiga 320 million so‘m kredit qarzdorligini undirish belgilangan.
Biroq qarzdor majburiyatini bajarish o‘rniga, garovdagi Haval Jolion rusumli avtomashinani yashirishga uringan.
Majburiy ijro byurosi xodimlarining tezkor saʼy-harakatlari natijasida qidiruvda bo‘lgan Haval Jolion aniqlanib, topildi.Avtomobil belgilangan tartibda xatlandi va jarima maydonchasiga joylashtirildi.
