Jizzaxda kommunal qarzdorlik sabab noturar bino xatlandi
Qarzdor ko‘rilgan choralarga qaramasdan, majburiyatlar to‘liq bajarilmagan. Shundan so‘ng mulk xatlovga olingan.
Jizzax shahar majburiy ijro byurosi bo‘limi ish yurituvida bo‘lgan ijro hujjati doirasida qarzdorlikni undirish yuzasidan amaliy chora ko‘rildi.
Maʼlum bo‘lishicha, shaharda faoliyat yurituvchi masʼuliyati cheklangan jamiyatning kommunal xizmatlardan foydalanish bo‘yicha to‘plangan qarzdorligi mavjud bo‘lgan. Qarzdorlikni belgilangan muddatlarda bartaraf etish bo‘yicha ko‘rilgan choralarga qaramasdan, majburiyatlar to‘liq bajarilmagan.
Shundan so‘ng ijro harakatlari davomida qarzdor yuridik shaxsga tegishli noturar mulk xatlovga olingan.
Mazkur chora qarzdorlikni qonunchilikda belgilangan tartibda undirish va ijro hujjatining amalda bajarilishini taʼminlash maqsadida amalga oshirildi.
