Jizzaxda kredit qarzi sabab noturar bino xatlandi
Ayni paytda u elektron onlayn-auksion savdolariga chiqarilishi hamda tushgan hisobidan kredit qarzi undirilishi taʼminlanadi.
Majburiy ijro byurosining Jizzax viloyati boshqarmasi ish yurituvida bo‘lgan kredit qarzdorligini undirishga oid ijro hujjati yuzasidan qonunchilik talablariga muvofiq majburiy ijro harakatlari amalga oshirildi.
Ijro hujjatiga asosan, qarzdor korxonadan AT«Turonbank» foydasiga kredit qarzini undirish belgilangan bo‘lib, qarzdor tomonidan majburiyat ixtiyoriy tartibda bajarilmaganligi sababli unga nisbatan majburiy ijro choralari qo‘llanildi.
Amalga oshirilgan ijro harakatlari davomida qarzdorga tegishli noturar bino xatlandi. Mazkur mulk qonunchilikda belgilangan tartibda saqlovga olinib, qarzdor tomonidan qarzdorlik belgilangan muddatda qoplanmagan taqdirda baholanib, elektron onlayn-auksion savdolariga chiqarilishi hamda tushgan mablag‘ hisobidan kredit qarzi undirilishi taʼminlanadi.
Sud qarorlarini ixtiyoriy bajarish esa qo‘shimcha xarajatlar va majburiy ijro choralarining oldini oladi.
